मोरङ । बुवाको वार्षिक पुण्यतिथिको तयारीकै बीच मोरङको सुन्दरहरैँचा नगरपालिका–१० त्रिवेणी चोकमा शनिबार बिहान एक घरमा भीषण आगलागी हुँदा घरसहित सम्पूर्ण सामग्री जलेर नष्ट भएको छ।
स्थानीय सुमन भेटुवालको घरमा बिहान करिब ७ बजे ग्यास लिक भएर आगलागी भएको हो। “रोटी पकाउने तयारी गर्दागर्दै ग्यास लिक भएर अचानक आगोको मुस्लो निस्कियो, त्यसपछि सिलिन्डर पड्कियो र आगो झन् फैलियो,” पीडितले बताए।
आगलागीका क्रममा दुईवटा ग्यास सिलिन्डर विस्फोट भएका थिए। घटना लगत्तै सुन्दरहरैँचा र बेलबारी नगरपालिकाका बारुणयन्त्र परिचालन भई आगो नियन्त्रणमा ल्याइएको प्रहरीले जनाएको छ।
प्रहरीका अनुसार आगलागीमा घरभित्र रहेका सबै सामग्री पूर्ण रूपमा जलेर नष्ट भएका छन्। धनजनको क्षतिको विस्तृत विवरण संकलन भइसकेको छैन।
यो समाचार तपाईलाई कस्तो लाग्यो??
+1
2
+1
+1
+1
+1
1
+1
2
+1
1
