काठमाडौँ– भारत र पाकिस्तान दुवै देश युद्धविराम गर्न सहमत भएका छन्।
तत्कालबाटै लागू हुने गरी दुवै देशका उच्च अधिकारी युद्धविराम गर्न सहमत भएका हुन्।
पाकिस्तानका उपप्रधानमन्त्री इशाक दार र भारतका विदेशसचिव विक्रम मिश्रीले युद्धविरामको सहमति भएको जानकारी गराएका हुन्।
पाकिस्तानका सैन्य अपरेसन प्रमुख (डीएमजीओ)ले शनिवार दिउँसो भारतीय समकक्षीसँग फोनवार्ता गरेका र पूर्ण युद्धविरामको सहमति भएको भारतका विदेश सचिव मिस्रीले जानकारी दिएका छन्।
‘दुवै पक्षबीच आज साँझ भारतीय समय अनुसार १७ः०० बजेदेखि स्थल, आकाश र समुद्रमा सबै प्रकारका युद्ध र सैन्य कारबाही रोक्ने सहमति भएको छ,’ उनको विज्ञप्तिमा भनिएको छ।
साथै, दुवै अधिकारीबीच मे १२ मा दिउँसो १२ बजे फेरि संवाद हुने जानकारी पनि दिइएको छ।
पाकिस्तानका विदेश मन्त्री इसहाक डारले जियो टिभीसँगको कुराकानीमा भारतसँग युद्धविरामको सहमति आंशिक नभई पूर्ण भएको उल्लेख गरेका छन्।
nयुद्धविरामको घोषणा भएसँगै भारत र पाकिस्तान दुवै तर्फका स्थानीयहरूले स्वागत गरेका छन्। दुवै तर्फका स्थानीयमा खुसीयाली छाएको समाचार सञ्चार माध्यमहरूमा छ।
