जंगली हात्तीको आक्रमणबाट मागुरमाडीमा एकको मृत्यु

झापा – जंगली हात्तीको आक्रमणबाट झापामा एकजनाको ज्यान गएको छ ।

मेचीनगर नगरपालिका मागुरमाडीका अन्दाजी ४५ बर्षिय श्याम राइको हात्तीको आक्रमणमा परि मृत्यु भएको इलाका प्रहरी कार्यालयले जनाएको छ ।

गएराति १२ः३० बजे गाउँमा आएको जंगली हात्ती खेदाउनेक्रममा राईलाई हात्तीले आक्रमण गरी गभ्भिर घाइते बनाएको थियो । घाइते राइलाई उपचारका लागि मेची अस्पताल भद्रपुर लगिएको र उपचारकै क्रममा आज बिहान २ः३० बजे चिकित्सकले राईलाई मृत घोषणा गरेको प्रहरीले जनाएको छ ।