काठमाडौं । उज्यालो नेपाल पार्टी (उनेपा)ले आज काठमाडौंमा बृहत मोटरसाईकल र्याली गर्ने भएको छ । शनिबार बिहान १०ः०० बजे तीनकुनेबाट मोटरसाइकल र्याली सुरु गर्ने उज्यालो नेपाल पार्टीको निर्वाचन सचिवालयले जनाएको छ ।
सुशासन, समृद्धि र सामाजिक न्यायको सन्देशसहित बृहत मोटरसाइकल र्याली गर्न लागिएको उनेपाले जनाएको छ । पार्टीका अनुसार उक्त मोटरसाइकल र्याली उज्यालो नेपाल पार्टीको नीति, विचार र लक्ष्यलाई आम नागरिकसम्म र्पुयाउने उद्देश्यले आयोजना गर्न लागिएको हो ।
र्यालीमा पार्टीका नेता, कार्यकर्ता तथा समर्थकहरूको उल्लेख्य सहभागिता रहने अपेक्षा गरिएको छ । पार्टीले ‘गफ होइन काम, भाषण होइन परिणाम’ भन्ने मूल नारालाई अघिसार्दै व्यवहारिक राजनीति र परिणाममुखी काममा जोड दिँदै आएको जनाएको छ ।
पार्टीले आम नागरिकलाई र्यालीमा सहभागी भई सुशासन र समृद्धिको यात्रामा साथ दिन आग्रहसमेत गरेको छ ।
