ताप्लेजुङ(पालिका सन्देश )- ताप्लेजुङ कोरोना भाइरस सङ्क्रमणमुक्त भएको छ ।
पछिल्लो पटक सङ्क्रमित भइ होमआइसोलेसनमा बसेका पाथीभरा याङ्कवरक गाउँपालिकाका पाँच जनाको एन्टिजेन रिपोर्ट सोमबार नेगेटिभ आएसँगै ताप्लेजुङ कोरोना मुक्त जिल्ला भएको हो ।
सहायक प्रमुख जिल्ला अधिकारी गायत्रा अधिकारी खड्काका अनुसार यसअगाडि जिल्लाका सबै पालिका सङ्क्रमणमुक्त भइसकेका थिए ।
कोभिड–१९ को दोस्रो चरण सुरुवात भएपछि जिल्लामा दुई हजार ५३१ सङ्क्रमित भएका थिए ।
तीमध्ये सबैभन्दा बढी फुङ्लिङ नगरपालिकामा ५५६ सङ्क्रमित भएका थिए भने सबैभन्दा कम मिक्वाखोला गाउँपालिकामा ४७ सङ्क्रमित भएका थिए ।
कोभिड सङ्क्रमणका कारण जिल्लाभित्र १६ जनाको मृत्यु भएको जिप्रकाले जनाएको छ । पीसीआर विधिबाट दुई हजार २८८ र एन्टिजेन मार्फत आठ हजार गरी कुल १० हजार २८८ को परीक्षण गरिएको थियो ।
यो समाचार तपाईलाई कस्तो लाग्यो??
+1
+1
+1
+1
+1
+1
+1
