झापा – अर्जुनधारा नगरपालिकाले भोली बुधबार शोक बिदा गरेको छ ।नगरपालिकाले कात्तिक २८ गते देवासन भएका ५ नम्बर वडा सदस्य कुन्दन भट्टराईप्रति श्रद्धाञ्जली ब्यक्त गर्दै सार्वजनिक रुपमा शोक बिदा दिने निर्णय गरेको हो ।
भट्टराईले पु¥याएको योगदानलाई उच्च मुल्याङ्कन गर्दै नगरले भोली शोक बिदा दिने निर्णय गरेको नगरप्रमुख हरिकुमार रानाले जानकारी दिए । नगरपालिकाले बिहान १० बजे मृतक भट्टराईको तस्वीरमा पुष्प अर्पण गर्दै नगर सहित सम्पूर्ण वडा कार्यालय बिदा दिने भएको हो ।
![](http://palikasandesh.com/wp-content/uploads/2020/11/FB_IMG_16062309947434833-1-960x1200.jpg)
नगरपालिकाले मृतक भट्टराईप्रति कार्यालयको मुख्य द्वारमा शोक पुस्तिका राखेर समवेदना प्रकट गर्दै आएको छ । साथै नगरपालिकाले भट्टराईको निवासमा पुगेर समेत श्रद्धाजली ब्यक्त गर्दै समवेदना प्रकट गरिसकेको छ । मृतक भट्टराई यसअघि गुठी संस्थाका महाप्रबन्धक साथै तत्कालिन अर्जुनधारा गाविसको अध्यक्ष समेत रहेका थिए ।