बुद्धशान्ति – कोरोना कहरको बेला देशनै संकटमा रहिआएको अवस्थामा विद्यार्थीको प्रतिभा प्रस्पोट्न गर्ने उदेश्यले अनेरास्ववियु बुद्धशान्ति गाउँकमिटीले वक्तृत्वकला आयोजना गर्ने भएको छ ।
संकटका बेला घरमै बसेका बुद्धशान्ति गाउँपालिकाका विद्यार्थीलाई लक्षीत गर्दै अनेरास्ववियु बुद्धशान्ति गाउँकमिटी ले “कोभिड-१९ ले विधार्थी जीवन मा पारेका असर र त्यसका समाधानहरु” शिर्षकमा वक्तृत्वकला प्रतियोगिता गराउन लागेको हो ।
यस प्रतियोगिता बुद्धशान्ति गाउँपालिका अन्तर्गतका विद्यालय र क्याम्पसमा अध्ययन् गरिरहेका विधार्थीहरुले भाग लिन पाउने बताइएको छ । यसका साथै बुद्धशान्ति स्थायी ठेगाना भई हाल बुद्धशान्ति बाहिर कतै अध्ययन् गरिरहेका विधार्थीहरुले पनि सहभागी हुन पाउने अनेरास्ववियु बुद्धशान्तिका अध्यक्ष रोशन भट्टराई उपाध्यायले बताएका छन् ।
सहभागीलाई यस्ता छन् नियमहरु :
१) वक्ताले आफ्नो भनाई ५ मिनेटमा सक्नुपर्नेछ । समय सीमा समाप्त भएपछिका कुराहरुको मुल्याङ्कन हुनेछैन ।
२) विषय-वस्तु, मौलिकता, भाषाशैली, प्रस्तुती, तार्किकता र निश्कर्षका आधारमा ७० प्रतिशत मुल्याङ्कन गरीनेछ र बाँकी ३०% react र share बाट प्रदान गरीनेछ ।
२) react लाई एक अंक र share (public) लाई दुई अंक दिईनेछ । public नगरीएको share मान्य हुनेछैन ।
३) कुनै टिपोट वा पुस्तक हेरेर बोल्न पाईनेछैन ।
४) वक्ताले सभ्य, शिष्ट र प्रष्ट भाषा प्रयोग गर्नुपर्नेछ ।
५) वक्ताले तयार गरेको भिडियोमा cut या कुनै पनि प्रकारको editing मान्य हुनेछैन ।
६) भिडियो क्वालिटी बुझिने गरी हुनुपर्नेछ ।
७) निर्णायक मण्डलको निर्णय नै सर्वमान्य हुनेछ ।
८) भिडियो बुझाउने अन्तिम मिति असार ३०गते । र, react, share गणना हुने अन्तिम मिति साउन ५ गते सम्म रहनेछ ।
९) भिडियो annfsubuddhashanti@gmail.com मा मेल गर्न सकिने बताइएको छ ।
