काठमाडौं। सोलुखुम्बु, नेचा सल्यान गाउँपालिका-२ बस्ने संगम निरौलाको घरमा आगलागी हुँदा उनको सात वर्षीय छोरा सुगम निरौला र सोही ठाउँ बस्ने सन्देश निरौलाको चार वर्षीया छोरी सुदिस्मा निरौलाको जलेर मृत्यु भएको छ ।
काठमाडौं महानगरपालिका-१३ कुलेश्वरस्थित दिपक मेटल वर्कशपमा विद्युत सर्ट भई आगलागी हुँदा करिब एक लाख ५० हजार रुपैयाँ बराबरको धनमाल जलेर नष्ट भएको छ ।
तारकेश्वर नगरपालिका-११ शेषमतीस्थित पसल संचालन गर्दै आएका टोखा नगरपालिका-८ घर भएका ४१ वर्षीय रामहरी रिमालको पुजा समाग्री पसलमा विद्युत सर्ट भई आगलागी हुँदा पुजाका सामाग्रीहरू जलेर करिब दुई लाख ८३ हजार रुपैयाँ बराबरको धनमाल नष्ट भएको छ ।
नुवाकोटको बेलकोटगढी नगरपालिका-७ रातमाटेस्थित सुनारटोल बस्ने ३८ वर्षीय लालबहादुर लगुन सुनारको घरमा विद्युत सर्ट भई आगलागी हुँदा करिब एक लाख ८७ हजार रुपैयाँ बराबरको धनमाल जलेर नष्ट भएको छ ।
