Search
Close this search box.
Search
Close this search box.

इन्धन चोरी गरेको आरोपमा दुई जना ट्याङ्‍कर चालक पक्राउ

काठमाडौं। इन्धन चोरी गरेको आरोपमा प्रहरीले दुई जना ट्याङ्‍कर चालकलाई पक्राउ गरेको छ।

पक्राउ पर्ने चालकहरूमा बाराको जीतपुर सिमरा उपमहानगरपालिका-२१ बस्ने ३५ वर्षीय अजय लामा र सोही ठाउँका २८ वर्षीय विकेश लामा रहेका छन्।

उनीहरूलाई पेट्रोल ट्याङ्‍करमा फल्स चेम्बर बनाई इन्धन चोरी तस्करी गरी ठगी गरेको आरोप लागेको छ।

काठमाडौं महानगरपालिका-३ महाराजगञ्जबाट उनीहरू पक्राउ परेका हुन्।

मङ्सिर ३ गते इण्डियन आयल कर्पोरेसन बरौनी, भारतबाट पेट्रोल लोड गरी आएका ना ७ ख २९९५ र ना ७ ख ३६९६ नम्बरको ट्याङ्‍करमा फल्स चेम्बर बनाई इन्धन चोरी तस्करी गरी ठगी गरेको जानकारीको आधारमा ट्याङ्‍कर चालकद्वयलाई पक्राउ गरेको प्रहरीले जनाएको छ।

पेट्रोल ट्याङ्‍करमा फल्स चेम्बर बनाई इन्धन लुकाएर भारत लैजाने र त्यतै बेचेर आयल निगमलाई हानि नोक्सानी पु¥याएको आरोप छ।

लेखकको बारेमा

tirtha_timsina

तीर्थराज तिम्सिना

तीर्थराज तिम्सिना पालिका सन्देश अनलाइन तथा पालिका सन्देश साप्ताहिकका सम्पादक हुन् ।

Leave a Reply

Your email address will not be published. Required fields are marked *