कात्तिक २५ गते सम्मलाई कोशी गाउँपालिकाको सेवा बन्द

इनरुवा । कर्मचारीमा कोरोना संक्रमण पुष्टि भएपछि सुनसरीको कोशी गाउँपालिको कामकाज रोकिएको छ ।

गाउँपालिकाको कार्यालयले सूचना जारी गर्दै ९ दिनका लागि सम्पूर्ण कामकाज बन्द रहने जनाएको छ । उसले कर्मचारीमा संक्रमण पुष्टि भएकाले कार्यालय बन्द रहने व्यहोरा सूचना मार्फत जानकारी गराएको छ ।

निमित्त प्रमुख प्रशासकीय अधिकृत भोजराज सुवेदीले गाउँपालिकामा कार्यरत ७ जना कर्मचारीमा कोरोना देखिएकाले कार्यालयको कामकाज कात्तिक २५ गते सम्मलाई बन्द गर्ने निर्णय गरिएको बताए ।