गाउँपालिका अध्यक्षविरुद्ध बहुविवाहको आरोप

काठमाडौं । भोजपुरको साल्पासिलिछो गाउँपालिकाका अध्यक्ष महेश राईमाथि बहुविवाह गरेको आरोप लागेको छ ।

२ मंसिरमा नेपाली कांग्रेसकी एक जना केन्द्रीय सदस्यसँग पहिलो विवाह गरेका गाउँपालिका अध्यक्ष राईले त्यसको ११ दिनपछि फेरि ललितपुरकी अर्की महिलासँग विवाह गरेको आरोप लागेको हो ।

EPIC EPIC EPIC

राईसँग विवाह गरेको विवाह दर्ता प्रमाण पत्र भेटेपछि १३ मंसिरमा विवाह गर्ने ललितपुरकी महिलाले महानगरीय प्रहरी परिसर, टेकु अन्तरगतको महिला, बालबालिका तथा ज्येष्ठ नागरिक सेवा केन्द्र, कालिमाटीमा किटानी जाहेरी दिएकी छन् । यद्यपि, प्रहरीले अहिलेसम्म जाहेरी दर्ता नगरेको पीडित परिवारले जनाएको छ ।

काठमाडौं प्रमुख प्रमुख एसएसपी सुदीप गिरीले गाउँपालिका अध्यक्ष राईविरुद्ध बहुविवाहको उजुरी आएको अनलाइनखबरसँग पुष्टि गरे । ‘एक जना महिलाले आफू जेठी श्रीमती भएको बताउँदै उजुरी दिनुभएको छ’ गिरीले भने, ‘त्यही आधारमा दुई पटक छलफलसमेत गराएका थियौं ।’

तर कागजीरुपमा अर्कै महिलासँग अगाडि विवाह भएको देखिएकाले जेठी र कान्छी नै छुट्टयाउन गाह्रो परेको उनले बताए । ‘यो विषयमा अनुसन्धान भइरहेको छ, उजुरी दिनेले रितिरिवाज अनुसार मगनी गरेको भन्नु भएको छ’ गिरीले भने, ‘थप बुझ्ने काम भइरहेको छ ।’

पीडित महिलाका दाइका अनुसार राईकी श्रीमतीको गत जेठ महिनामा निधन भएको थियो । त्यसपछि उनले ललितपुर बस्दै आएकी आफ्नी बहिनीसँग मगनी गरेका थिए । बिहेको प्रस्ताव षडानन्द नगरपालिका दिङ्लाका मेयर बीरबल राईले आफू कहाँ ल्याएको दाइ बताउँछन् ।

१३ मंसिरमा विधिवत् रुपमा विवाह गरेका अध्यक्ष राई माघ महिनाबाट सम्पर्कविहीन भएको पीडितले दिएको जाहेरीमा उल्लेख छ ।

‘त्यसपछि खोजी गर्दा उनले मंसिर २ गते नै विवाह गरेको सोही गाउँपालिकाको वडा नं. २ मा विवाह दर्ता गरेको पाइएको थियो’ दाइले अनलाइनखबरसँग भने, ‘त्यसपछि काठमाडौं प्रहरी परिसर, टेकुमा जानकारी गराएका थियौं, त्यहाँबाट महिला सेलमा हामीलाई पठाइएको थियो ।’

यस विषयमा बुझ्न पटकपटक अध्यक्ष राईलाई फोन गर्दा उनले फोन उठाएनन् ।अनलाइनखबर

यो समाचार तपाईलाई कस्तो लाग्यो??
+1
0
+1
0
+1
0
+1
0
+1
0
+1
0
+1
0
EPIC EPIC EPIC

लेखकको बारेमा

tirtha_timsina

तीर्थराज तिम्सिना

तिम्सिना पालिका सन्देश अनलाइन तथा पालिका सन्देश साप्ताहिकका सम्पादक हुन् ।

Leave a Reply

Your email address will not be published. Required fields are marked *