गौरादह नगरपालिका आजदेखि आंशिक लकडाउन

झापा । झापाको गौरादहमा आज देखि अर्को सुचना जारी नभएसम्म आंशिक लकडाउन हुने भएको छ ।

नगरपालिकामा भएको सर्वदलीय बैठकले आज देखि लागुहुने गरी बेलुकी ५ देखि बिहान ५ बजेसम्म पसल, बजार, यातायात सहितका सबै साधन बन्द गर्ने निर्णय गरेको कुरा नगरपालिकाका प्रबक्ता नगेन्द्र भण्डारीले बताए ।

यसै गरि हिजो बसेको सर्वदलीय बैठकले संक्रमितलाई अस्पताल सम्म पुर्याउन नगरपालिकाले एम्बुलेन्सको व्यवस्था गर्ने, कोरोना संक्रमणबाट मृत्यु भएकालाई ल्याउनका लागि नगरपालिकाले नै शव बहानको व्यवस्थापन गर्ने र आँशिक निषेधाज्ञाका लागि जिल्ला प्रसासनसँग माग गर्ने समेत निर्णय गरेको कुरा प्रवक्ता भण्डारीले जनाएका छन् ।

गौरादहमा हाल सकृय सँक्रमित ५० जना रहेको र अहिलेसम्म संक्रमणबाट ८ जनाको मृत्यु भइसकेको छ ।