Search
Close this search box.
Search
Close this search box.

चन्द्रागिरीको आईपीओ शुक्रबार बाँडफाँट हुँदै, कतिले पाउलान् सेयर ?

काठमाडौं । चन्द्रागिरी हिल्स लिमिटेडको साधारण सेयर आईपीओआगामी शुक्रबार बाँडफाँट हुने भएको छ । कम्पनीको सेयर बिक्री तथा निष्काशनको जिम्मा पाएको ग्लोबल आइएमई क्यापिटलले शुक्रबार बाँडफाँट गर्ने जानकारी दिएको छ ।

कम्पनीले पुस २४ गतेदेखि सर्वसाधारणको आईपीओ बिक्रि खुला गरेको थियो । कम्पनीले एक सय रुपैयाँका दरले १५ करोड ३४ लाख ९१ हजार रुपैयाँ बराबरको १५ लाख ३४ हजार ९१ कित्ता आइपीओ निष्काशन गरेको हो ।

आईपीओमा आवेदन दिएका मध्ये १२ लाख ११ हजार ११५ जनाकोमात्रै आवेदन स्वीकृत भएको क्यापिटलले जनाएको छ । यसको अर्थ ४० हजार भन्दा धेरै आवेदकको आवेदन रद्द भएको छ ।

कम्पनीको आईपिओमा १२ लाख ५१ हजार १० जना आवेदकबाट २ करोड ४४ लाख ७४ हजार ५ सय ३० कित्ताको लागि आवेदन परेको हो । यो माग भन्दा १७।५३ गुणा बढी हो ।

कम्पनीले ४ प्रतिशत अर्थात ६१ हजार ३६४ कित्ता आइपीओ कम्पनीका कर्मचारी, ५ प्रतिशत अर्थात ७६ हजार ७०५ कित्ता सेयर सामुहिक लगानी कोषका लागि छुट्याइएको छ ।

बाँकी १३ लाख ९६ हजार २२ कित्ता आईपीओ सर्वसाधारणको लागि छुट्याइएको कम्पनीले जनाएको छ । माग भन्दा धेरैको आवेदन परेका कारण अधिकांशले सेयर नपाउने देखिएको छ ।

यो समाचार तपाईलाई कस्तो लाग्यो??
+1
0
+1
0
+1
0
+1
0
+1
0
+1
0
+1
0

लेखकको बारेमा

tirtha_timsina

तीर्थराज तिम्सिना

तिम्सिना पालिका सन्देश अनलाइन तथा पालिका सन्देश साप्ताहिकका सम्पादक हुन् ।

Leave a Reply

Your email address will not be published. Required fields are marked *