चार दिनमा झण्डै तीन हजारले बढ्यो सुनको मूल्य

काठमाडौं। मंगलबारदेखि उकालो लाग्न थालेको सुनको मूल्य आज पनि बढेको छ।

लगातार चार दिन बढेको सुनको भाउ आज प्रतितोला ९२ हजार ९०० रूपैयाँ कायम छ। नेपाल सुनचाँदी व्यवसायी महासंघका अनुसार मंगलबारदेखि आजसम्म सुनको मूल्य प्रतितोला दुई हजार ९०० रूपैयाँले बढेको हो।

यसैगरी, आज तेजाबी सुनको मूल्य प्रतितोला ९२ हजार ४५० रूपैयाँ तोकिएको छ। सुनसँगै बढ्न थालेको चाँदीको भाउ आज तोलामा ५ रूपैयाँले बढेको छ।

हिजो एक हजार २०५ रूपैयाँमा कारोबार भएको चाँदी आज एक हजार २१० रूपैयाँ कायम छ।