चितवन। पूर्वी चितवनको राप्ती नगरपालिका ३ झुरझुरेमा दुई ट्रक आपसमा ठोक्किँदा १ जनाको मृत्यु भएको छ भने २ जना घाइते भएका छन्।
पूर्वपश्चिम राजमार्ग अन्तर्गत भण्डाराबाट पूर्वतर्फ जाँदै गरेको प्रदेश २-३-००२ ख ५६०९ नम्बरको ट्रक र विपरित दिशाबाट आँउदै गरेको ना ३ ख ५४८८ नम्बरको ट्रक झुरझुरेस्थित बासुकी पेट्रोल पम्प अगाडि बिहान करिब ६:२५ बजेको समयमा ठोक्किएका हुन् ।
मृत्यु हुनेमा चालक जिल्ला नवलपुर गैडाकोट नगरपालिका १ बस्ने ४३ वर्षको प्रकाश कुँवर रहेको जिल्ला प्रहरी कार्यालय चितवनका प्रवक्ता विजयराज पण्डितले जानकारी दिए ।
दुर्घटनाबाट गम्भिर घाइते भएका कुँवरको चितवन मेडिकल कलेजमा उपचारको क्रममा बिहान मृत्यु भएको हो भने घाइते हुनेहरूमा प्रदेश २-३-००२ ख ५६०९ नम्बरको ट्रकका चालक जिल्ला बारा निजगढ ४ बस्ने वर्ष २८ को निकेश राउत कुर्मी र सहचालक जिल्ला रौतहट बौधिमाई २ बस्ने १८ वर्षको रबिन कुमार यादवको उपचार भइरहेको छ |
