दाहालले माधव नेपाललाई प्रधानमन्त्री बनाउने आश्वासन

काठमाडौं। आफ्नै पार्टीभित्रको आलोचना खेप्न धौ–धौ परिरहेको अवस्थामा नेकपा माओवादी केन्द्रका अध्यक्ष पुष्पकमल दाहालले अर्को दल नेकपा एकीकृत समाजवादीका अध्यक्ष माधवकुमार नेपाललाई फेरि प्रधानमन्त्रीको आश्वासन दिएका छन् ।

EPIC

नेकपा माओवादी केन्द्रीको जारी स्थायी समितिको बैठकमा अध्यक्ष दाहालको चर्को आलोचना भइरहेको छ । आफ्नै नेतृत्वको सरकार जोगाउन नसकेको, राजनीतिक समीकरण बिगारेको, पटकपटक कुरा फेरेर गठबन्धन दललाई विश्वासमा लिन नसकेको र पार्टीसमेत कमजोर बनाएको आरोप खेल्दै आएका दाहालले त्यही क्रममा एकीकृत समाजवादीका अध्यक्ष माधवकुमार नेपाललाई प्रधानमन्त्री बनाउनेसम्मको आश्वासन दिएका हुन् ।

EPIC EPIC EPIC

माओवादी केन्द्रसँग पार्टी एकीकरण गर्नुपर्ने र त्यसपछि बलियो शक्ति बनेर नेपाललाई प्रधानमन्त्री बनाउने आश्वासन दाहालले दिएका हुन् । माओवादी र एकीकृत समाजवादी अहिले कमजोर अवस्थामा छन् । दुवै दल एकीकरण गरेर जान सके आगामी निर्वाचनमा केही सहज हुने बुझाइ दाहालको छ । त्यही कारण उनले माधव नेपाललाई प्रधानमन्त्री बनाउने आश्वासन दिएका हुन् ।

त्यसो त नेपाल पनि प्रधानमन्त्री बन्न निकै आतुर गरिरहेका छन् । उनी सकेसम्म यही संसद्बाट प्रधानमन्त्री बन्ने दौडमा थिए । तर कांग्रेस र एमालेबीच गठबन्धन बने पछि नेपालको सम्भावना लगभग सकिएको छ । तर यो गठबन्धन टुटाएर नयाँ समीकरण बनाउन सके त्यसबाट थोरै समयका लागि भए पनि आफू प्रधानमन्त्री बन्न सक्ने आशा नेपालमा देखिन्छ ।

दाहाल र नेपालबीच पछिल्लो समय पनि सौहार्दपूर्ण सम्बन्ध छ । उनीहरुले समाजवादी मोर्चा सञ्चालन गर्दै आएका छन् । विपक्षी दलहरुबीच सहकार्य गरेर जानेमा दुवै नेता सहमत छन् । पार्टी एकताको विषयमा पनि पटक पटक छलफल भइरहेको छ । तर यसको टुंगो लाग्न सकेको छैन । दाहालको प्रस्तावलाई नेपालले सामान्य रुपमा लिएको बताइएको छ ।

यो समाचार तपाईलाई कस्तो लाग्यो??
+1
0
+1
0
+1
0
+1
0
+1
0
+1
0
+1
0
EPIC EPIC EPIC

लेखकको बारेमा

palika-sandesh

पालिका सन्देश

Leave a Reply

Your email address will not be published. Required fields are marked *