देवेन्द्र तथा मायादेवी दंगालबाट ज्येष्ठ नागरिक मञ्चको भवन निर्माणका लागि जग्गा प्रदान

बुद्धशान्ति(पालिका सन्देश)- बुद्धशान्ति गाउँपालिका वडा नं ३ निवासी समाजसेवी देवेन्द्र दंगाल तथा माया देवि दंगालबाट बुद्धशान्ति गाँउपालिका ३ नं वडा कार्यालयलाई ज्येष्ठ नागरिक मंच वडा नं ३ को भवन निर्माणका लागि जग्गा प्रदान गरेका छन् ।

बुद्धशान्ति गाँउपालिका ३ नं वडा कार्यालयलाई ज्येष्ठ नागरिक मंच वडा नं ३ को भवन निर्माणका लागि ११ धुर जग्गा प्रदान गरेको वडा नम्बर ३ का वडाध्यक्ष कमलप्रसाद उप्रेतीले बताएका छन् । उनले जग्गादातालाई जग्गा दान गर्नुभएको भन्दै धन्यवाद दिएका छन् ।

साथै यस कार्यका लागि सहयोग गर्नुहुने गाउँपालिका अध्यक्ष, उपाध्यक्ष, प्रमुख प्रशासकीय अधिकृत, गाउँपालिकाका कर्मचारी,३ नं वडाका जनप्रतिनिधी लगायत प्रत्यक्ष वा अप्रत्यक्ष रूपमा सहजीकरण गर्नु हुने सबैमा धन्यवाद दिएका छन् ।