Search
Close this search box.
Search
Close this search box.

फिदिममा बोलेरो दुर्घटना, एकको मृत्यु, दुईजना घाइते

फिदिम । पाँचथर सदरमुकाम फिदिमदेखि जोरसालतर्फ जाँदै गरेको बा १९ च ५७३६ नम्बरको बोलेरो फिदिम नगरपालिका ४ चुम्देन चोकमा दुर्घटना हुँदा एकजनाको मृत्यु भएको छ । बोलेरोमा सवार दुईजना गम्भीर घाइते भएका छन् ।

दुर्घटनामा परी फिदिम नगरपालिका १ का २० वर्षीय अजुर्न संकरको घटनास्थलमै मृत्यु भएको हो । सुनसरीको धरान घर भएका बुलेरो चालक पार्वत गुरुङ र झापाको गरामुनी १ घर भएका २१ वर्षीय अर्जुन मगर गम्भीर घाइते भएका छन्।

जिल्ला प्रहरी कार्यालय पाँचथरका सूचना अधिकारी डम्बर विश्वकर्माका अनुसार घाइते दुवैजनालाई उपचारका लागि झापाको बिर्तासीटी अस्पताल रेफर गरिएको छ । पाँचथर अस्पतालमा उपचार सम्भव नभएपछि घाइतेलाई झापा रेफर गरिएको हो ।

सहरी विकास मन्त्रालय अन्तर्गत नयाँ सहर आयोजनाको वातावरण स्रोत व्यवस्थापनसम्बन्धी अध्ययन गर्ने प्राविधिक टोलि सवार बुलेर दुर्घटनामा परेको हो ।

लेखकको बारेमा

tirtha_timsina

तीर्थराज तिम्सिना

तीर्थराज तिम्सिना पालिका सन्देश अनलाइन तथा पालिका सन्देश साप्ताहिकका सम्पादक हुन् ।

Leave a Reply

Your email address will not be published. Required fields are marked *