बुद्धशान्ति – नेपाल विद्यार्थी संघ बुद्धशान्ति गाउँ समिति झापाले आज बुद्धशान्ति आइसोलेसनका २ एम्बुलेन्स चालक र २ शब बहान चाहकलाई गुलाफको फूल र दोसल्ला ओडाएर सम्मान गरेको छ ।
सम्मानित हुनेमा एम्बुलेन्स चालक रबिन खतिवडा र आशिष घिमिरे तथा शब बहान चालक जीवन पौडेल र भुपाल गुरुङ रहेको नेवि संघ बुद्धशान्तिका सूचना विभाग प्रमुख दीपेश भट्टराईले जानकारी दिए ।
कोरोना भाइरसले देशनै अस्तव्यस्त बनाइरहेका समयमा फ्रन्टलाईनमा उभिएर काम गर्ने उनीहरुको हौषला बढाउन सम्मान गरिएको बताइएको छ ।
नेविसंघले फ्रन्टलाईनमा खटिएका यस्ता व्यक्तिहरुको हौषला बढाउन गरेको यस कार्यको उच्च मुल्यांकन गर्दै बुद्धशान्ति गाउँपालिका अध्यक्ष रमेश कुमार भुजेलले नेविसंघ बुद्धशान्तिलाई दश हजार आर्थिक सहयोग पनि गरेका छन् ।
आगामी दिनमा अझ बढि सामाजिक कार्यमा सक्रिय हुन अनुरोध गर्दै नेविसंघ प्रति आफूँहरु खुशी भएको गाउँपालिका अध्यक्ष भुजेलले बताए ।
