बाबुरामको पहलमा एमाले र जसपाबीच तालमेल

गोरखा , मौन अवधि सुरु हुनै लाग्दा मंगलबार गोरखाको पालुङटार नगरपालिकामा जसपा र एमालेबीच चुनावी तालमेल गर्ने सहमति भएको छ । सहमतिअनुसार पालुङटार नगरपालिकाको प्रमुखमा एमालेले जसपालाई र उपप्रमुखमा जसपाले एमालेलाई सघाउने भएका छन्।

जनता समाजवादी पार्टी (जसपा) का संघीय परिषद् अध्यक्ष तथा पूर्वप्रधानमन्त्री डा. बाबुराम भट्टराईको गृहनगरमा जसपा र नेकपा एमालेबीच चुनावी तालमेल गर्ने सहमति भएको छ।
नगरपालिकाको ६, ७ र १० मा एमालेलाई तथा ४ र ५ नम्बर वडामा जसपालाई एकअर्कालाई सघाउने पनि सहमति भएको छ। सहमतिपत्रमा जसपाका तर्फबाट अध्यक्ष यानप्रसाद भट्ट र एमालेका तर्फबाट प्रेम गुरुङले हस्ताक्षर गरेका छन्।

बाबुराम भट्टराई पछिल्ला दिनहरुमा एमालेप्रति निकै आक्रामक रहेपनि,बाबुरामकै पहलमा एमालेसँग तालमेल भएको हो।