काठमाडौं । सिन्धुलीमाको खुर्कोट नजिकै बिपी राजमार्गमा भएको माइक्रोबस दुर्घटना एक जनाको ज्यान गएको छ ।
बिहीबार साँझ काठमाडौंबाट जनकपुर जाँदै गरेको बा ३ ख ८४४५ नम्बरको हायस माइक्रोबस सुनकोशी गाउँपालिका–६ कानढुंग्रे भन्ने स्थानमा दुर्घटना हुँदा धनुषाको जनकपुर उपमहानगरपालिका–१० का ५० वर्षीय निर्मल गुप्ताको ज्यान गएको हो ।
गुप्ताको धुलिखेल अस्पतालमा उपचारको क्रममा ज्यान गएको प्रहरीले जनाएको छ । बिहीबार साँझ ५ः३० बजे पछाडिको टायर पञ्चर हुँदा सडक छेउको डिभाइडरमा ठोक्किएर माइक्रो बस दुर्घटना भएको थियो ।
दुर्घटनामा घाइते भएका ६ जनाको धुलिखेल अस्पतालमा उपचार भइरहेको छ । अरू ६ जना घाइतेलाई उपचारका लागि काठमाडौं पठाइएको सिन्धुली प्रहरीले जनाएको छ ।