बिर्तामोडमा ट्रकको ठक्करबाट पैदलयात्रीको मृत्यु

बिर्तामोड । झापाको बिर्तामोड नगरपालिका १ मा ट्रकको ठक्करबाट १ जना पैदलयात्रीको मृत्यु भएको छ ।

मृत्यु हुनेमा झापा शिवसताक्षी नगरपालिका १० का ४० वर्षीय यामनाथ राय रहेका छन् । बिर्तामोड१ स्थित पूर्व पश्चिम राजमार्गमा मे. १ ख १९५२ नम्वरको ट्रकले रायलाई ठक्कर दिँदा घाइते भएका थिए । गम्भीर रायको बिर्तामोडस्थित बिएन्डसी अस्पतालमा उपचारको क्रममा मृत्यु भएको प्रहरीले जनाएको छ ।

दुर्घटनामा संलग्न ट्रक र चालक ईलाम सन्दकपुर ३ का रोसन लिम्बूलाई इलाका प्रहरी कार्यालय अनारमनीले नियन्त्रणमा लिई थप अनुसन्धान गरिरहेको छ ।