बिर्तामोड नगरपालिका
नगर कार्यपालिकाको कार्यालय
बिर्तामोड, झापा १ नं. प्रदेश, नेपाल ,
प्रेस विज्ञप्ति
मिति ः २०७७.०६.२५
बिर्तामोड नगरपालिकाले नगरलाई विषादिमुक्त नगर बनाउने अभियान अन्र्तगत कृषि क्षेत्रको प्रवर्धन र विकासका निम्ति योजनाबद्ध रुपमा अगाडि बढिरहेको सर्वविधितै छ । नगरपालिकाले पूर्वाधारयुक्त नगर, विषादिरहित कृषि र व्यवसायको अभिवृद्धि, सभ्य र स्वस्थ्य बिर्तामोड नगरपालिकाको समृद्धि भन्ने मूल नारा तय गरेर कार्य गरिरहेको छ ।
नगरपालिकामा वर्तमान नेतृत्व आइसकेपछि तय गरिएका विभिन्न कार्यक्रम र योजनामा कृषि, पशुपालन, पूर्वाधार विकास, सञ्चार, स्वास्थ्य, शिक्षा लगायतका क्षेत्रमा गरिएका काम र त्यसको प्रगतिले नगरको मुहार परिवर्तन हुँदै गइरहेको छ । यसै परिप्रेक्षमा गत २०७७ साल असोज १५ गते बसेको नगरपालिकाको बोर्ड बैठकले बिर्तामोड नगरपालिकालाई विषादिमुक्त नगर बनाउने अभियानलाई साकार पार्न कृषिजन्य उत्पादनको सन्दर्भमा विशेष निर्णय गरेको छ ।
जस अन्र्तगत यस क्षेत्रका किसानहरुको माग अनुरुप उनीहरुले उत्पादन गरेका विषादिरहीत माछाको बजारीकरण गर्नका लागि सडेगलेका माछाको बिक्रीमा रोक लगाउने बारेको निर्णय नगर कार्य पालिकाको बैठकले सर्वसम्मत रुपमा गरेको हो ।
यस निर्णयबारेमा केही दिनयता विभिन्न सञ्चारमाध्यम र सामाजिक सञ्जालमा अनेकन् भ्रमयुक्त भनाइ र टिप्पणी आइरहेको पाइएकाले यसबारे प्रष्ट पार्नु आवश्यक ठानी यो विज्ञप्ति जारी गरिएको छ । नगरपालिकाले कसैलाई मर्का पानेर् उद्देश्य नराखी नगरबासी तथा अन्य उपभोक्ताको स्वास्थ्यलाई ख्यालमा राखेर यो निर्णय गरिएको स्प्रष्ट पार्न चाहन्छौं ।
नगरपालिकाले नगरलाई विषादिमुक्त राख्ने अभियान अन्र्तगत कृषि थोक बजारस्थलमा विषादि परीक्षण गनेर् व्यवस्था मिलाएको छ । कृषिथोकमा बाहिरबाट आउने सबै तरकारी र फलफूलको नियमित चेकजाँच गनेर् व्यवस्था मिलाई नगरबासीलाई स्वच्छ र अग्र्यानिक साग, सब्जी र कृषिजन्य उत्पादन पुर्याउने अभियान अगाडि बढाइएको छ ।
तसर्थ, नगरपालिकाले गरेको यो निर्णयमा कुनै अन्योल सिर्जना नगर्न र नगरबासी तथा अन्य उपभोक्ताको स्वास्थ्यमाथि ख्याल गरेर गरिएको निर्णयको अक्षरस पालना गर्न नगरपालिका सबैमा आह्वान गर्दछ ।
अग्निप्रसाद पाण्डे
प्रवक्ता
बिर्तामोड नगरपालिका
