Search
Close this search box.
Search
Close this search box.

बुद्धशान्ति उद्योग वाणिज्य संघको नेतृत्व चयनका लागि धमाधम मतदान हुँदै

EPIC

तीर्थ तिम्सिना, बुद्धशान्ति। बुद्धशान्ति उद्योग वाणिज्य संघको नयाँ नेतृत्व चयनका लागि धमाधम मतदान भईरहेको छ । उद्योग बाणिज्यसंघको आफ्नै भवनमा मतदान भईरहेको छ ।

निर्वाचनमा दुईवटा प्यानल -लोकतान्त्रिक प्यानल र संयुक्त समावेशी टिम चुनावी मैदानमा छन् । अध्यक्ष पदमा चन्द्रप्रसाद उप्रेती र डिल्ली श्रेष्ठ चुनावी मैदानमा छन् । लोकतान्त्रिक प्यानलबाट उप्रेती र संयुक्त समावेशी टिमबाट श्रेष्ठको उम्मेद्वारी परेको हो ।

EPIC

त्यस्तै वाणिज्य उपाध्यक्षमा लोकतान्त्रिकका नविन विमली र संयुक्त समावेशी टिमका करण शेर्पा बीच प्रतिष्पर्धा हुँदैछ । त्यस्तै महासचिवमा लोकतान्त्रिकका लक्ष्मीप्रसाद उप्रेती र संयुक्त समावेशी टिमका देवकुमारी शेर्मा बीच प्रतिष्पर्धा हुँदैछ ।

वाणिज्य सचिवमा लोकतान्त्रिकका उमाराज ढकाल र संयुक्त समावेशी टिमका रघु अधिकारी बीच प्रतिष्पर्धा हुँदैछ । त्यस्तै कोषाध्यक्ष पदमा लोकतान्त्रिकका हरिप्रसाद पौड्याल र संयुक्त समावेशी टिमका चन्द्रप्रकाश कोइराला बीच प्रतिष्पर्धा हुँदैछ । संयुक्त समावेशी टिमले मेजर पदमा एक जना महिलालाई उम्मेदवारका रुपमा उठाएको छ ।

EPIC EPIC EPIC

सदस्य पदमा लोकतान्त्रिकका नविन चापागाई, सन्तोष तामाङ, हेमन्त वराल र प्रकाश बाँस्तोलाको उम्मेदवारी छ भने संयुक्त समावेशी टिमका काजी लिलेन्द्र श्रेष्ठ र सरोज घिमिरेको उम्मेदवारी परेको छ । महिला सदस्यमा लोकतान्त्रिकले ज्ञानु थापा र धनकला अधिकारी, संयुक्त समावेशीले शुष्मा राजवंशी चौधरीलाई उम्मेदवार बनाएको छ ।

EPIC

५ सय ८२ मतदाता रहेको निर्वाचनमा ११ पद चुन्नका लागिका निर्वाचन भएको हो । १३ सदस्यीय कार्यसममितिमा २ जना निर्विरोध भएका छन् । लोकतान्त्रिक प्यानलका दीपक सापकोटा र दुर्गाप्रसाद कुईँकेल क्रमश उद्योग उपाध्यक्ष र उद्योग सचिवमा निर्विरोध भईसकेका छन् ।

अपरान्ह ४ बजेसम्म निर्वाचनको समय रहेको निर्वाचन समिति संयोजक केशव दाहालले जानकारी दिएका छन् । मत गणना साँझ ६ बजेदेखि गर्ने गरीको तयारी गरिएको निर्वाचन समितिले जनाएको छ । निर्वाचन समितिको सदस्यमा घनश्याम सापकोटा र मेनुका तिवारी रहेका छन् । यो समाचार तयार पारुन्जेल सम्म २ सय बढीले मतदान गरिसकेको जनाईएको छ ।

EPIC EPIC

लेखकको बारेमा

tirtha_timsina

तीर्थराज तिम्सिना

तिम्सिना पालिका सन्देश अनलाइन तथा पालिका सन्देश साप्ताहिकका सम्पादक हुन् ।

Leave a Reply

Your email address will not be published. Required fields are marked *