बुद्धशान्ति(पालिका सन्देश ) – बुधबारे जेसीजको भवन निर्माणका लागि बुद्धशान्ति गाउँपालिकाले बजेट छुट्याएको छ ।
आर्थिक बर्ष २०७८/७९ काे बजेट मार्फत बुधबारे जेसीजकाे भवन निर्माणका लागि रू ५ लाख रुपैयाँ रकम विनियोजन भएकाे बुद्धशान्ति गाउँपालिका प्रमुख प्रशासकीय अधिकृत ईन्द्रप्रसाद चापागाईंले बताएका छन् ।
बुधबारे जेसीजको सचिवालय भवन गत बैशाख १६ गते शिलान्यास गरिएको थियो । ५० लाख रुपैँयाको अनुमानित लागतमा निर्माण सम्पन्न हुने तीनतले भवन निर्माणका बुद्धशान्ति – १ का शिक्षासेवी ज्ञानेन्द्रप्रसाद धिमिरेको परिवारले बुद्धशान्ति– १ को नमुना चोकमा १० धुर जग्गा निशुल्क प्रदान गरेको थियो । सोहि ठाउँमा भवन बन्न लागेको हो ।
बुधबारे जेसीजको ‘मेरो पनि योगदान छ’ अभियान मार्फत विभिन्न व्यक्ती, संघसंस्थाबाट सहयोग आउने क्रम जारी रहेको बुधबारे जेसीजका अध्यक्ष अनिल वाग्लेले बताए ।
बुद्धशान्ति गाउँपालिका, बुद्धशान्ति गाउँपालिका अध्यक्ष, उपाध्यक्ष, प्रमुख प्रशासकिय अधिकृत, सम्पूर्ण वार्ड अध्यक्ष सहित सिङ्गो जनप्रतिनिधिज्युहरुमा जेसीज भवनका लागि बजेट छुट्याउनुभएको भन्दै बुधबारे जेसीजले धन्यवाद व्यक्त गरेकाे छ ।
#मेरो पालिका # बुद्धशान्ति # बुधबारे जेसीज
