बुधबारे । ‘तेन्जिङ नोर्गे होमस्टे’ बुद्धशान्ति –३ ले बुधबारे जेसीजका नवनिर्वाचित पदाधिकारीलाई स्वागत–सम्मान गरेको छ ।
बुधबारे जेसीजले बर्ष २०२१ मा निर्वाचित भएका जेसी तथा २०२० का बुधबारे जेसीजका पदाधिकारीलाई स्वागत सम्मान गरेको हो ।
‘तेन्जिङ नोर्गे होमस्टे’का सञ्चालक जेसी उमेश तिम्सिनाको सभापतित्वमा भएको कार्यक्रममा बुधबारे जेसीजका अध्यक्ष जेसी अनिल वाग्ले, निर्वतमान अध्यक्ष जेसी नन्दकुमार याफू राई, पूर्व अध्यक्षहरु जेसी प्रकाश भण्डारी र जेसी रमेश बराल सहित ३५ बढी जेसीज सदस्यको उपस्थिति थियो । उनीहरुलाई दुई सञ्चालक उमेश तिम्सिना र उमेश पाठकले मायाको चिनो दिदै खदा ओढाएर स्वागत सम्मान गरेका थिए । उक्त कार्यक्रम भने जेसी गोकुल पौडेलले सञ्चालन गरेका थिए ।
जेसीज युवाहरुले सञ्चालन गरेको व्यवसायलाई प्रर्वद्धन गर्ने लक्ष्य
यता बुधबारे जेसीजले बर्ष २०२१ मा जेसीज युवाहरुले सञ्चालन गरेको व्यवसायलाई प्रर्वद्धन गर्ने समेत भएको छ ।
जेसीहरु व्यापारमा, जागिरमा र सफल हुनुपर्छ भन्ने मान्यतालाई सफल पार्न जेसी युवाहरुले गरेका कामको प्रचार गर्ने रणनिती बनाएको बुधबारे जेसीजका अध्यक्ष जेसी अनिल वाग्लेले बताएका छन् । सोहि अनुरुप जनवरी १५ देखि बुधबारे जेसीजले जेसीजमा लागेका युवाले सञ्चालन गरेको व्यवसाय प्रवद्र्धन गर्न सुरु गरेको छ ।
सोहि अनुरुप जेसी उमेश तिम्सिनाले बुधबारे बजारमा सञ्चालन गरेको सुविधा सम्पन्न ‘तेन्जिङ नोर्गे होमस्टे’ को प्रमोसन गरेको हो ।
