बुद्धशान्ति । युवाहरुका लागि शनिबारदेखि आयोजना गरिएको व्यक्तित्व, नेतृत्व विकास तथा उद्घोषण तालिम सोमबार सम्पन्न गरिएको छ ।
बुधबारे जेसिजको आयोजना तथा परिवर्तनशील युवा क्लबको सहकार्यमा कार्यक्रम सन्चालन भएको हो । तीनदिन भएको तालिममा बुधबारे जेसिजका अध्यक्ष अनिल वाग्लेले सहजीकरण गरेका थिए ।
परिवर्तन युवा क्लबका अध्यक्ष तथा बुधबारे जेसिजका उपाध्यक्ष बिनोद रिजालको संयोजकत्वमा भएको समापन कार्यक्रममा बुधबारे जेसिजका अध्यक्ष अनिल वाग्लेको प्रमुख आतिथ्य रहेको थियो ।
उपाध्यक्ष रबिन आचार्यले स्वागत गरेको कार्यक्रमको संचालन बुधबारे जेसिजका महासचिव सुजित बरालले गरेका थिए ।
कार्यक्रममा क्लबका सचीव तीर्थ तिम्सिना, बुधबारे जेसिजका सदस्य चन्द्र वाग्ले लगायतको आतिथ्यता रहेको थियो ।
तालिममा ३५ जना भन्दा बढीको सहभागीता रहेको थियो ।उनीहरुलाई प्रमाणपत्र समेत वितरण गरिएको थियो ।
