बुधबारे असार ८ । बुधबारे जेसीज र सानाकिसान कृषि सहकारी संस्था बुद्धशान्तिले आज एक कार्यक्रमको आयोजना गरि बुद्धशान्ति १,२ र ३ नम्बर वार्डका २७ जना किसानलाई निशुल्क फरुवा वितरण गरिएकाे छ ।
बुधबारे जेसीजका सह-कोषाध्यक्ष चन्द वाग्लेको संयोजकत्वमा भएकाे कार्यक्रममा कृषि पेशालाई मुख्य पेशा बनाएका किसानलाई निशुल्क फरूवा वितरण गरिएकाे बुधबारे जेसीजका अध्यक्ष अनिल वाग्लेले जानकारी दिनुभयो ।
कार्यक्रम दुबै संस्थाको लागत साझेदारीमा सप्पन्न गरिएको सानाकिसान कृषि सहकारी संस्थाका अध्यक्ष केशव सापकोटाले बताउनु भयाे । युवाहरूकाे संस्था जेसीजसँग आगामी दिनमा पनि सहकार्य गरेर जाने सापकोटाले बताउनु भएको छ ।
कार्यक्रममा बुधबारे जेसीजका कार्यकारिणी उपाध्यक्ष कृष्ण ढकाल, सानाकिसानकी उपाध्यक्ष गीतादेवी बुढाथाेकी, सदस्य टीकाराम कार्की, गोमादेवी घिमिरे लगायतको आतिथ्यता रहेको कार्यक्रम संयोजक वाग्लेले जानकारी दिनुभयो ।
पछिल्लो समय बुधबारे जेसीजले विभिन्न संस्थाहरुसँगकाे सहकार्यलाई प्राथमिकतामा राखेर कार्यक्रम गरिराखेकाे छ ।
