बनियानी। सामाजिक र धार्मिक क्षेत्रमा आफ्नो अमूल्य योगदान पुर्याउँदै आएका कचनकवल–३ पुरानो बगान बजार निवासी पदमलाल राजवंशीको निधनले सम्पूर्ण कचनकवल क्षेत्र स्तब्ध भएको छ। धार्मिक आस्थाको केन्द्रभूत भुतेश्वर शिवालयको संरक्षण र विकासमा अध्यक्षका रूपमा उल्लेखनीय भूमिका निर्वाह गर्दै उहाँले क्षेत्रीय समृद्धि र एकताको अभियानलाई मजबुत बनाउनु भएको थियो।
पदमलाल राजवंशीले आफ्नो जीवनको महत्वपूर्ण समय बगान बजारको विकास र समाजसेवामा समर्पित गर्नुभएको थियो। सरल र समर्पित जीवनशैलीबाट परिवारको लालनपालन गर्दै समाजप्रतिको उत्तरदायित्व निर्वाह गर्ने उहाँको दृष्टिकोण प्रेरणादायी मानिन्छ। धार्मिक तथा सामाजिक कार्यक्रममा उहाँको सक्रिय उपस्थितिले क्षेत्रलाई एकताको सूत्रमा बाँध्न महत्वपूर्ण योगदान दिएको थियो।
उहाँको निधनले समाजले एक निष्ठावान्, कर्मठ र प्रेरणादायी व्यक्तित्व गुमाएको छ भने परिवारले एक आदर्श अभिभावकको अभाव महसुस गरेको छ।
