Search
Close this search box.
Search
Close this search box.

स्टेज क्युइन ‘बिचार गर छुनलाई’को चर्चा बजारमा

काठमाडौं। नेपाली लोकदोहोरी क्षेत्रकी लोकप्रिय गायिका मञ्जु पौडेलले ‘बिचार गर छुनलाई’ बोलको नयाँ गीत बजारमा ल्याएकी छन् । श्रीकृष्ण बम मल्लको लय शब्द रहेको गीतको आवाजमा मञ्जुलाई गायक प्रताप दासले साथ दिएका छन् ।

स्टेज उद्घोषिकाका रुपमा समेत मञ्जु चर्चित छिन् । लामो समयपछि ‘बिचार गर छुनलाई’ ल्याउँदै उनले कमब्याक गरेकी छन् । हत्तपत्त गीत नल्याउने, ल्याएपछि बजार तताउने मञ्जुको विशेषता नै हो । यसपटक पनि उनी आशावादी छिन् ।

पछिल्लो युवा पुस्तालाई मध्यनजर गर्दै ल्याइएको यस गीतमा माया प्रेम गरेपछि एकअर्कालाई धोका दिन नहुने सन्देश दिन खोजिएको छ । कविराज गहतराजको निर्देशनमा तयार भएको भिडियोमा गायक प्रतापसँगै गायिका मञ्जुकी छोरी स्नेहा पौडेलको अभिनय रहेको छ । भिडियोलाई नविन घर्तिमगरले सम्पादन गरेका छन् । मञ्जु पौडेलको आफ्नै युट्युव च्यानलमार्फत सार्वजनिक भएको यस गीतले छोटो समयमै दर्शक श्रोताको मन जित्न सफल भएको छ ।

कुनैसमय तीज गीत होस् की होलीको गीत या बेमौसमी सबै क्षेत्रमा मञ्जुले एक छत्रराज गरेकी थिइन् । साँच्चै भन्नुपर्दा उनले गाएकै गीत ‘धुँवा सरी’ जसरी उनको चर्चा चुलिएको थियो । त्यो चर्चा आज पनि उनले यथावत् राख्न सफल भएकी छन् । दर्जनौं गीत रेकर्ड गराएकी मञ्जुले तीज र पञ्चे बाजाका थुप्रै गीतमा स्वर दिएकी छिन् ।

‘स्टेज क्वीन’को नामले पनि परिचित मञ्जुलाई स्वदेश तथा विदेशका कार्यक्रममा गीत गाउन बोलाउँदा आयोजकलाई फाइदा के हुन्छ भने उद्घोषक खोजिरहनु पर्दैन । किनकी उनी एक चर्चित स्टेज उद्घोषिका पनि हुन् । हुन त मञ्जु आफूलाई ‘स्टेज पर्फमर’ भन्न पनि रुचाउँछिन् ।

यो समाचार तपाईलाई कस्तो लाग्यो??
+1
0
+1
0
+1
0
+1
0
+1
0
+1
0
+1
0

लेखकको बारेमा

palika-sandesh

पालिका सन्देश

Leave a Reply

Your email address will not be published. Required fields are marked *