झापा – झापा बुद्धशान्ति – १ देउरालीका राजन राई (राजु)लाई भारतको मुम्बईमा भेटिएको खवर सुनेपछी आफ्नै ठाउँका युवाहरु लागिपरेर उद्दार गरेका छन् । समितिले शुक्रबार राजनलाई स्वदेश ल्याउन सफल भएका छन् ।
विगत २० बर्ष पहिलेदेखि हराईरहेका राजन भेटिएको खबर सुनेपछी स्थानीय युवाहरुको एक भेलाले प्रकाश भण्डारीको संयोजकत्वमा राजन राई (राजु) उद्वार तथा उपचार समुह गठन गरि उद्दार गरेका हुन् ।
भारतमा भेटिएका राजन प्यारालाइसिस भएकाले हिड्न सक्दैनन् । उनको उपचारका लागि समितिले करिब ८०,०००/-रुपैयाँ सहयोग रकम संकलन गरिसकेको समितिका सचीव केशब खुलालले बताएका छन् ।
राजनलाई पहिलो पटक भेटाएर सामाजिक संजालमा खोजिका लागी भिडियो अप्लोड गर्ने सेख अलि नैसेन, मुम्बई बसोबास गर्दै आउनुभएका देवि गिरि, बिबेक भण्डारी , अमेरिका रहेका दुर्गा मगर लगायत सहयोग गर्ने सम्पुर्ण नेपाली सहयोगी मनहरु संयोजक भण्डारीले धन्यवाद दिएका थिए ।
राजनलाई आज नेपाल ल्याइएको हो ।उनलाई अब थप उपचार गर्ने समेत बताइएको छ । यसका लागि केही कसैले सहयोग गर्न चाहेमा समितिलाई सम्पर्क गरि सहयोग गर्न सकिने समेत बताइएको छ ।
