बुधबारे (पालिका सन्देश )। एन आइसी एसीया बैंक शाखा बुधबारेले बुद्धशान्ति गाउँपालिका संगको सहकार्यमा बुद्धशान्ति गाउँपालिकाका ४ वटा विद्यालयका विपन्न तथा जेहेन्दार विद्यार्थीहरुलाई विद्यालय पोसाक वितरण गरेको छ ।
बैंकको संस्थागत सामाजिक उत्तरदायित्व कार्यक्रम अन्र्तगत बुद्धशान्ति- १ को नमूना आधारभूत विद्यालयका ४४ जना, बुद्धशान्ति -३ स्थित शिशु सुधार आधारभूत विद्यालयका ३० जना, बुद्धशान्ति -४ स्थित नमुना प्राथमिक विद्यालयका ४० जना र बुद्धशान्ति -५ स्थित जनज्योती आधारभूत विद्यालयका ४४ जना गरी १५८ विद्यार्थीहरुलाई पोसाक वितरण गरिएको बुधबारे शाखाका प्रमुख दिलिप ढुंगानाले बताएका छन् ।
पोसाक वितरण कार्यक्रममा बुद्धशान्ति गाउँपालिका अध्यक्ष मनोज प्रसाई, उपाध्यक्ष भवानी खतिवडा, विभिन्न वडाका वडाध्यक्ष तथा जनप्रतिनिधीहरू, बैंकका प्रतिनिधि, विध्यालय व्यवस्थापन समितिका पदाधिकारी, अविभावक, शिक्षक शिक्षिका, सञ्चारकर्मी लगायतको उपस्थिति रहेको थियो ।
बैंकले संस्थागत सामाजिक उत्तरदायित्व कार्यक्रम अन्र्तगत शिक्षामा गरेको सहयोग प्रति गाउँपालिकाले खुसी व्यक्त गरेको थियो ।
