काठमाडौँ। मेची भन्सार कार्यालयबाट आर्थिक वर्ष २०८१/८२ मा चिया निर्यात ३२ दशमलव ५० प्रतिशतले बढेको छ । कार्यालयको तथ्यांकअनुसार ४ अर्ब २१ करोड ३५ लाख ९२ हजारको चिया निर्यात भएको हो ।
एक वर्षमा १५ हजार ४१६ दशमलव ७५६ मेट्रिक टन चिया निर्यात भएको मेची भन्सार कार्यालयका सूचना अधिकारी ईश्वर कुमार हुमागाईँले जानकारी दिए । २०८०/८१ मा ३ अर्ब १७ करोड ९५ लाख २७ हजार बराबरको चिया निर्यात भएको उनले बताए ।
कार्यालयको तथ्यांकअनुसार २०८१/८२ मा अलैँचीको निर्यात ३ दशमलव २० प्रतिशतले घटेको छ । उक्त एक वर्षको अवधिमा ७ अर्ब ६७ करोड ४० लाख ३७ हजार बराबरको अलैँची निर्यात भएको छ । अघिल्लो आव २०८०/८१ को सोही अवधिमा ७ अर्ब ९३ करोड ९ लाख ९० हजार बराबरको अलैँची निर्यात भएको सूचना अधिकारी हुमागाईँले जानकारी दिए
मेची भन्साबाट गत आव २०८१/८२ मा २५ अर्ब १३ करोड ९७ लाख ५० हजारको मालवस्तु निर्यात भएको छ ।
