बुद्धशान्ति । शान्ति आदर्श मावी शान्तिनगरको आयोजनामा ” कम्बल वितरण कार्यक्रम” सम्पन्न भएको छ।
बिर्तामोडका महाविर अग्रवालको सहयोगमा ५० थान कम्बल वितरण गरिएको विद्यालयका प्रधानाध्यापक अनिल खतिवडाले जनाएका छन्।
कञ्चनजंघा एफ एमका प्रबन्ध निर्देशक चन्द्र भण्डारीको संयोजन र जेष्ठ नागरिक जिल्ला संघ झापाको सहजीकरणमा उक्त कार्यक्रम सम्पन्न भएको हो।
कम्बल हस्तान्तरण गर्दै महावीर अग्रवालले सबैको सहकार्यबाट काम भएको बताउदै आफू निरन्तर यस्ता सहयोगमा लागिरहने उल्लेख गरे।
कार्यक्रममा ४६ जना विद्यार्थी र ४ जना अभिभावकलाई न्यानो कम्बल वितरण गरिएको हो।
बिद्यालय ब्यवस्थापन समितिका अध्यक्ष शिवकुमार पौडेलको अध्यक्षतामा भएको कार्यक्रममा बुद्धशान्ति वडा नम्बर ६ का अध्यक्ष शम्भुप्रसाद पौडेल,जेष्ठ नागरिक जिल्ला संघ झापा अध्यक्ष हरि ओली, समाजसेवी लिना भण्डारी, पुर्व विद्यार्थी समाजका प्रमोद खतिवडा, विद्यार्थी, अभिभावक र स्थानीयको सहभागिता थियो।
