पुनः बढ्यो सुनको मूल्य ।

झापा । नेपाली बजारमा आज सुनको मूल्य पुनः बढेको छ । हिजो २ हप्ता यताकै सबै भन्दा सस्तो भएको सुनको मूल्य आज केही वृद्धि भएको छ ।

नेपाल सुन चाँदी व्यवसायी महासंघका अनुसार नेपाली बजारमा आज छापावाला सुनको मुल्य तोलाके ४ सय ९५ रुपैंयाले बढेको छ । जससँगै छापावाला सुनको मुल्य ९१ हजार ५ सय कायम भएको छ ।

त्यस्तै आज नेपाली बजारमा तेजाबी सुनको मुल्य भने स्थिर रहेको छ । महासंघको जानकारी अनुसार नेपाली बजारमा तेजाबी सुन प्रति तोला ९१ हजार रुपैंयामा कारोबार भइरहेको छ ।

तेजाबी सुनको झै चाँदीको मुल्य पनि स्थिर रहेको छ । आज चाँदी प्रति तोला १ हजार २ सय २५ रुपैंयामा कारोबार भइ रहेको छ ।